Intervistë ekskluzive: At Nikolla Xhufka, rrëfimet dhe të pa thënat mbi mikun e tij besnik. Kartolina apo mesazhe “copy/past” për urimet e fundvitit?

“I druhem vetëm atyre që nuk kan frikë!”

I ftuar special për “Gazetën Telegram” për të dhënë urimin më të sinqertë për festat e fundvitit, lexuesve tanë, dhe të gjithë Shqipëtarve anë dhe mbanë botës. Për ata pak lexues të cilët nuk e njohin, është pasuesi i Fan Nolit, kleriku, prifti, dhe mbi të gjitha patrioti Shqipëtar, ambasador i paqes dhe tolerancës, përsonazhi më i dashur për Shqiptarët e cdolloj besimi, për ne dhe për ju i nderuari At Nikolla Xhufka.  Ndërsa për ata të cilët fjalët e tij nuk i tingëllojnë mirë, ta dinë që është armiku më i madh i intolerancës, pabarazisë fetare dhe pazareve që i bëhen popullit tonë. Sic e njohim të gjithë, flet me fjalë të thjeshta por kuptim plota, të cilat godasin si shpat armikun, dhe njëkohësisht penetrojne thellë dhe ëmbël në zemrat e Shqiptarëve dhe besimtarëve patriot të vendit tonë. Në thjeshtësinë e tij përdor gjuhën e popullit, për popullin, gjuhën Shqipe e cila dëpërton në zemrat e njerëzve. Duke e falenderuar për pjesmarrjen në këtë intervistë At Nikolla Xhufka-n, shftytëzojmë rastin dhe urojmë atë dhe të gjithë shqipëtarët për festat e fundvitit të kenë gëzime dhe mirësi në familjet e tyre. Paqja, toleranca, dija, shëndeti, besimi, bujaria dhe ndershmëria shoqërofshin familiet tuaja në cdo kohë.   

Kush është At Nikolla, cili ka qenë rrugëtimi juaj me kishën?

Sic disa e dijnë une jam At Nikolla Xhufka, një prift që ndjek dhe eci në rrugët dhe gjurmët e Fan Nolit, këtij kleriku, patrioti, politikani, shkrimtari, filozofi të madh. Jam prifti i një kishe të vogël në Kalanë e Elbasanit, një kishe të cilen shumë shkrimtarë e thërrasin ndryshe ” Kisha e Vogël e Madhe ” e vogël për madhësinë e saj dhe e madhe për misionin e saj. Jam veshur prift nga një peshkop Rumun dhe jam zgjedhur për të qënë prift nga Komuniteti Orthodhoks Shqipëtar i Kalasë së Elbasanit. Dhe sinqerisht ju them që ndihem i privilegjuar që i shërbej vendlindjes time dhe kombit tim, dhe natyrisht që përpiqem me shpirt ti shërbej me patriotizëm e devotshmëri, sepse para se të jem prift Ortodoks jam Shqipëtar.

Ku e ushtroni punën dhe besimin tuaj, ku e merrni forcën për të punuar çdo ditë me besimtarët?

Eh ku e mar forcën! …e ku tjeter përvec se tek Shqipëtarët, ku tjeter përvec se tek bashkëkombasit e mij që kurrë asnjëherë nuk harrojnë të më japin kurajo nëpërmjet telefonatave të tyre, nëpërmjet ardhjes së tyre në Kishë, dhe sa herë vijne më thonë: At Nikolla mos harro që shpirti i Fan Nolit të ndjek ngado

“I druhem vetëm atyre që nuk kan frikë!”

Çfarë mendoni se kanë humbur besimtarët shqiptarë duke vrapuar pas urimeve në internet, urime dhe fjalëve të ftohta, të dërguara thjesht formalisht?

Letra ështe e shenjtë, pena po dhe aq!  Ështe fatkeqsi që njerëzit sot nuk lexojnë gazeta, nuk shfletojnë libra, por enden pas internetit. Për mua personalisht libri është i shenjtë e jo interneti.  Mendoj qe këto urimet në internet janë bërë si ato ngushellimet, kur dikush ndërron jetë, dhe ai qe kurre nuk i foli me goje të ndjerit sa qe gjallë, shkon dhe ngushëllon familjen e tij me hipokrizi e i thotë ” T’ju ket lëne uraten!  Nuk ka gjë më të bukur se urimi me kartolinë, nuk ka gjë më të bukur se leximi i një gazete. E them shpesh dhe në Kishë që duhet të rikthejmë librin si epiqëndren tonë dhe jo internetin.

Jemi në atmosferë festash, përse rrëfehen më së shumti gratë e sidomos burrat, bashkëshortët shqiptare?

Më sollët buzqeshje me këtë pyetje, “hahaha” eh për cfar rrëfehen?

Faktikisht ne Ortodoksit nuk rrëfehemi te prifti por thjeshte bëjme bisedë shpirtërore tek ai. Më së shumti rrëfehen dhe kërkojne këshillat e mia modeste, se sì të jenë më të qetë në përditshmërinë e tyre, se si të tregohen gjakftohtë në situata të ndryshme, se sa herë duhet ti luten zotit etj, por dhe kur ka ndonjë rast që dikush ka bërë ndonje gabim a faje, kurrë nuk e kritikoj por e përqafoj dhe e këshilloj si vellain a motrën time.

Eh burrat më së shumti kërkojnë keshilla se si mund të jenë me të denjë përpara grave të tyre dhe fëmijëve! Stresi është ajo që i shqetëson më tepër!

Një jetë duke dëgjuar rrëfimet e të tjerëve, a mund të kemi një rrëfim eksluziv për herë të parë për gazetën tonë nga At Nikolla, shumë i nderuar i Elbasanit?

Me thënë të vërteten rrëfimi im më interesant është se jam një adhurues i kafshëve. I dua shumë dhe kujdesem për to dhe askush nuk e di këtë gjë dhe këtë e them për herë të pare tek gazeta juaj Telegram!

Çfarë urimi keni për kolegët tuaj, një mesazh për tolerancën fetare e cila sot lë shumë për të dëshiruar?

Nuk kam asnje urim për “Kolegët” e mi, dhe e dini përse? Sepse nuk mendoj që kam kolëg! Për sa i përket Pseudotolerancës fetarë, mendoj që vec besimtarët kanë tolerancë ndaj njëri tjetrit e jo udhëheqësit fetarë, sepse ata e kan mendjen tek paraja e tek fondet!  Ndërsa për klerikët Katolikë e Musliman, për një pjesë të tyre kam respekt.

Cili është urimi juaj për të gjithë besimtarët e çdo komuniteti fetar në vendin tonë?

Vëllezër e mota Shqipëtar!

Të dashur Musliman, Katolik, Ortodoks, pa dallim feje ju ftoj të duam më tepër njëri – tjetrin, të duam më tepër mëmedheun tonë. I bëj thirrje politikës të kthejnë sytë e tyre nga të varfrit, të bëjnë të pamundurën për rritjen ekonomike, mirëqënien, punësimin dhe rritjen e nivelit të jetesës së shqiptarëve (të Shqipërisë dhe Kosovës). Le të shohim të vërtetën në sy pa frikë e droje, të kemi guxim të themi të vërtetën. Kisha Ortodokse Kombëtare Shqiptare, që i tërëlarti ynë “Theofan Stilian Noli” e shkëputi nga uzurpuesi grek e serb sot është e venitur. Po është e vërtetë, kjo është e vërteta.

Ju shtrij dorën e ndihmës të gjithëve ju, që të gjithë së bashku të rimëkëmbin Kishen kombëtare Shqipëtare.

Të gjithë së bashku.

Me zemër ju uroj këtë fundvit; Sa me shume paqe e më pak Hipokrizi, sa më shumë dashuri e më pak urrejtje, Sa më shumë lutje e më pak djallëzi.

Gezuar nga mot!

At Nikolla Xhufka.