A i hyri në punë Shqipërisë një drejtësi si kjo e Yurit…?! A na ka ndodhur ndonjëherë më parë të arrestohen kaq shumë ministra, deputetë e zyrtarë të një qeverie në pushtet?” Përgjigja është: Po, ka ndodhur!
Historia ka treguar se ka ndodhur në vitet 1948 deri në 1985. Të gjithë ishin edhe “deputetë”, bashkëpunëtorët më të ngushtë të “Të Madhit”! Ca ishin “Hero i Popullit”, ca “Hero i Punës Socialiste” e ca të tjerë ishin me të dy “heroizmat” në gjoks…
Kështu i pati rezultuar “drejtësisë së re” edhe atëhere… si sot!!!
Ca nuk u dënuan për të pabërat që vërtetë kishin bërë bashkë me, apo me urdhër të “Të Madhit” por, për ca gjëra që as u kish shkuar në mend t’i bënin…
Mirëpo kështu pati vendosur “drejtësia e re” edhe atëhere… si sot! Edhe atëhere, vendimi që jepte “drejtësia e re”, nuk diskutohej, vetëm duartrokitej… si sot!
Kështu që deri këtu, asgjë nuk ka ndodhur për herë të parë, përkundrazi!
Ambasadorja amerikane, Yuri Kim, është bërë melankolike në ditët e fundit të qëndrimit të saj në Shqipëri.
Pas një turi nëpër Shqipëri, praktikë e ambasadorëve sovjetikë e lindorë, Yuri është përpjekur të lerë një shije të ‘mirë’ te shqiptarët duke u bërë melankolike.
Me anë të një statusi në rrjetet sociale, Kim thotë se në të 61 bashkitë e vendit, shqiptarët e kanë pritur me bukë, kripë dhe zemër të hapur.
“Largohem pas tre vitesh e gjysmë nga Shqipëria e bukur! Me krenari them se kam vizituar të 61 bashkitë dhe kam takuar mijëra shqiptarë, të cilët më kanë pritur me bukë, kripë dhe zemër të hapur. Shpresoj që të njëjtën mirësi dhe mikpritje t’i tregoni ambasadorit të ardhshëm. Faleminderit e mirupafshim!”, shkruan ajo.
Por shqiptarët nuk e harrojnë se Yuri Kim është e vetmja ambasadore që u ka thënë votoni kë dua unë, ndryshe do hani bar.
Yuri Kim përtej melankolive që përpiqet të bëjë në ditët e fundit, ka jetuar në Shqipëri si “sheike”. Ka bërë jetë luksi dhe në mos edhe biznes të pastër.
