Gjithnjë e më shumë po marrin jehonë mediat ndërkombëtare më prestigjioze që po shkruajnë çdo ditë nga një gjë të re për Shqipërinë dhe qeverisjen e Edi Ramës.
Për pothuajse dy javë mediat më nën zë amerikane si Ëashington Post apo Neë York Times u morën me skandalin “McGonigal”, bashkëpunimin e kryeministrit Rama me ish-agjentin e korruptuar të FBI-së.
Por duket se nuk ka përfunduar me kaq. Një tjetër gazetë e njohur “Financial Times” i kushtoi një artikull të plotë drejtimit të vendit nga kreu aktual i qeverisë dhe lulëzimin e bandave dhe krimit përgjatë këtyre viteve.
Mafia shqiptare është kthyer problem tashmë jo vetëm brenda vendit, po në fushën e saj po “korr suksese” në të 4 cepat e globit, nga Azia në Amerikën Latine.
“Një dekadë më vonë pas marrjes së pushtetit, përpjekjet e Ramës për të përmbushur këtë premtim po bëhen gjithnjë e më të parëndësishme, teksa është zvarritur në disa skandale që kanë njollosur imazhin e tij brenda dhe jashtë vendit. Rama është detyruar të mbrojë reformat që dyshohet se janë miqësore me pastruesit e parave, të shpjegojë se si bashkëpunëtorët e vjetër të qeverisë u përfshinë në hetimet e trafikut të drogës dhe të llogarisë rolin e tij në rrëzimin e një zyrtari të turpëruar të FBI-së,” shkruhet në Financial Times.
Propaganda dhe dëshira për t’u dukur si yll i mediave ndërkombëtare tani po i është kthyer në bumerang kryeministrit Edi Rama. Befas ai është në qendër të vëmendjes për lajmet negative”.
Fuqia e rrjeteve kriminale në Shqipërinë e Ramës u zbulua në mënyrë spektakolare muajin e kaluar. Policia rrëzoi qindra kamera vëzhgimi të instaluara nga kriminelët – një operacion i madh spiunazhi që monitoron zbatimin e ligjit dhe rivalët.
Bandat shqiptare janë zgjeruar nga plantacionet ilegale të kanabisit deri te trafikimi i kokainës dhe heroinës direkt nga Amerika Latine dhe Azia. Miliona euro u derdhën në Shqipëri, duke ndihmuar në zhvillimin e pasurive të paluajtshme luksoze përgjatë bregdetit të Mesdheut.
Gazetarët informojnë se kriminelët në vend tashmë janë pajisur me dhoma të mëdha kontrolli me shumë ekrane, ku grupet e mëdha të krimit vëzhgojnë. Ata kishin kamera nate, aftësi për njohjen e fytyrës dhe targave. Vetëm policia duhet të ketë kamera të tilla. Madje kishte kamera në pyll për të monitoruar plantacionet e marijuanës.
Në një moment kur vendi kontrollohet nga krimi nuk do shumë mend për të kuptuar se pse qindra mijëra të rinj largohen nga Shqipëria çdo vit, duke e zbrazur gjithnjë e më shumë vendin.
Shenim: *Ky është artikull ekskluziv i Gazeta Telegram, që gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Artikulli mund të ripublikohet nga mediat e tjera vetëm duke cituar “Gazeta Telegram”
