Jemi mësuar të shohim çfarëdo lloj gjërash në televizionet shqiptare, aq deri sa të arrijmë në pikë ku asgjë më nuk na bën përshtypje. Por që dhe njoftim vdekjeje të jepej LIVE në televizionin kombëtar këtë nuk na e kishin dëgjuar veshët.
Brisilda Nexhipi është e reja e cila u identifikua e vdekur nga morgu pasi ishte përplasur nga një automjet në zonën e Durrësit më 14 shkurt. Kërkimet për të renë vijuan në mënyrë të palodhur me informacione të shumta që qarkullonin se ku mund të ishte parë për herë të fundit pasi ishte shpallur e humbur nga familja.
Ditën e djeshme në një prej televizionet informative më të ndjekura, Report TV, ka ndodhur një rast i paprecedentë që shkel çdo parim etike mediatike apo dhe morale njerëzore. Nënës që vajzës që nuk jeton më i është dhënë live në emisionin e këtij televizioni lajmi se e bija ka vdekur.
Gazetarja në emission LIVE i ka dhënë mamasë së Brisilda Nexhipit lajmin e kobshëm për vdekjen e së bijës duke regjistruar dhimbjen e saj për klikime.
Kjo ishte hera e dytë Brenda një muaji që ky emission njofton live në transmetim prindërit e fëmijëve të humbur që janë gjetur të vdekur, për shikueshmëri.
Pasi janë publikuar dhe janë masakruar me të drejtë me ofendime në rrjetet sociale, edhe video e Brisildës dhe ajo e rastit të parë janë bërë private nga kjo media në YOUTUBE.
Reagimet patjetër kanë qenë të shumta lidhur me kalimin e këtij caku njerëzor nga ana e gazetares dhe emisionit të saj.
Puntata e atij emisioni shpartalloi çdo kod të etikës së gazetarisë dhe çdo normë njerëzore. A është normale t’i japësh një prindi lajmin e vdekjes së fëmijës në një studio televizive? A duhej xhiruar kjo puntatë? Edhe pse fare lehtë mund të shmangej prania e nënës kur u lexua mesazhi që njoftonte vdekjen e së bijës, u arrit deri aty që për të grumbulluar shikime në kanalin e Youtube, ndjenjat njerëzore harrohen.
Gazetarja e mban rreth 10 minuta pezull gruan në lidhje me fatin e së bijës së humbur prej muajsh, ku në fillim nxjerr detaje mbi ngjarjen për t’i dhënë në fund goditjen finale.
Akoma më e papranueshme është pandjeshmëria e ngarkimit të këtij materiali në Youtube e më pas shpërndarja nga media të tjera.
