|Brahim Shoshi| Analizë dhe opinion: Operacioni “Inside”
Incidenti i ditëve të sotme, është kthyer në një seri batutash dhe ironish, në mediat dhe portalet kryesore vendase, edhe pse në fakt nuk ka asgjë për të qeshur.
Duke marë shkas nga deklaratat zyrtare të Policisë së Shtetit, ku deklarohet finalizimi i operacionit të koduar “Inside” operacion tejet i rëndësishëm për policinë e Ministrisë së Ruçit.
Policia e shtetit si organ i Ministrisë së Brendshme e quan këtë operacion si një arritje pikërisht nga metodat speciale “metoda speciale hetimi” dhe specifikohet metodologjia e përdorur proaktive “speciale proaktive”. Në deklaraten për shtyp të autoriteteve gjithashtu nënvizohet fakti që kjo arritje bëhet fal bashkëpunimit me Komisariatin numër 2 dhe Prokurorinë pranë Gjykatës së Tiranës. Si konkluzion i operacionit “Inside” arrestohen dy persona R. D. 49 vjeçe dhe H. D. 23 vjeç (nënë e bir), të dy banues në Tiranë. Nga të dhëna të sigurta, njëri nga të arrestuarit shtetasja R. D. 49 vjeçe punonte pastruese në shtëpinë e zyrtares së lartë të qeverisjes Rama, Zonjës Alda Klosi, ish-Drejtore Kabineti prane ish-ministrit të Rindërtimit dhe ish-zv/kryemninistrit të vendit, Arben Ahmetaj. Arritje e madhe do të thoja për të gjithë strukturën e shtetit e cila është vënë në lëvizje pas denoncimit të vet personit i cili ka pësuar dëme ekonomike nga kjo vjedhje. E cituar në media si vjedhje “Robinhudiane” jo për sasinë e konsiderueshme të parave të vjedhura e cila kalon shifrën prej më shumë se gjysëm milioni eurosh, shifrën specifike nuk e japim në këtë artikull pasi nuk ka rëndësi edhe pse as policia në fakt ende nuk ka arritur ti mbledh ato shuma në një deklarate te vetme. Shumat janë në vlera dhe valuta të ndryshme si: lekë, dollar euro, flori dhe gjëra të tjera me vlerë.
Pamvarësisht se shifra e saktë e vjedhur nuk është bërë akoma publike, mund të themi me bindje se as lexuesit nuk do i bëj përshtypje për shkak se shifra të tilla janë bërë si përditshmëria e krimit ekzistent në vendin tonë. Unë mendoj dhe vlerësoj se nga këto deklarata duhet të ndjehemi të indinjuar kur një operacion i tillë quhet i finalizuar, dhe në fakt ky duhej të ishte vetëm nisje “sinjal” për organet e policisë së shtetit dhe SPAK-ut. Për të shqyrtuar më në detaje burimin e atyre të ardhurave, deklaratat e dekriminalizimit të bëra para ushtrimit të detyrës si drejtoreshë e kabinetit të shtetit, dhe të ardhurat e saj të pa deklaruara, për të mos fol për shuma të konsiderueshme parash të cilët një zyrtar i lartë i shtetit mban pa frikë në banesën e saj personale. Sigurisht ne nuk mund të dimë prejardhjen e të ardhurave të zonjës të sipër përmendur por duke marr shkas nga mënyra se si funksionojnë institucionet shtetërore në Shqipëri, çdo njeri mund të bëj një përllogaritje të thjeshtë për gjithë çfarë u analizua në këtë artikull. Për sa më sipër, kërkojmë nga institucionet kompetente të hulumtojnë në thëllësi këtë çeshtje e jo të quhet operacion i suksesshëm i përfunduar.
© Gazeta Telegram
